जीवण दा वल

 जीवण दा  वल 

***********

जिथै मर्ज़ी 

किसे वी वेले 

जड़ तुं उखाड़ के 

नवे सिरे तुं 

ज़मीन वेच उगा घिनो 

दुबारा नवी ज़मीन वेच 

खिड़ वेंदी हे बिच्छु बूटी 

आपणी रंग बिरंगी 

शान दे नाल 

काश! जीवन दा  एह वल 

सांकु वी आ वंजे /

रजनी छाबड़ा 

यादां वेच

 

 यादां वेच

*******

होण  वी याद करदे ने 

मैंकु मैडे शहर दे बाशिन्दे 

ऐन उवेन हि जिवें

ओ मैडी यादां वेच वसदे ने 

नज़रां तुं दूर होवण नाल 

कोई दिल तुं दूर नयि थींदा /

रजनी छाबड़ा 

  

रिश्तियाँ दी उमर

 रिश्तियाँ दी उमर 

*************

मतलब दे रिश्तियाँ दी उम्र 

अमूनन निक्की होंदी हे 

इंहा  कुं परखण  वास्ते 

मतलब दी कसौटी होंदी हे 

बेमतलब रिश्ते  आपो -आप 

निभ वेंदे ने तमाम उमर 

इंहा रिश्तियाँ दी साह 

साडे साह वेच वस होंदी  हे/

रजनी छाबड़ा 

 मुक़्क़मल

********

मैडे रबा !

थोड़ा जिहा अधूरा रैहवण दे 

मैडी ज़िंदगी दा पियाला 

ताकि क़ोशिश ज़ारी रहवे 

हिंकु पूरा भरण वास्ते 

जदूं पियाला 

भर वैंदा हे लबालब 

डर रेह्न्दा हे 

इन्दे छलकन दा 

विखरन दा 

हिंदे वेच कुझ होर बूंदा 

समेटण दा बणन 

जो जुनून 

मुक़्क़मल बणन दी 

कोशिश वेच हे 

ओ मुक़्क़मल वेच किथे 

लबालब पियाले वेच 

होर भरण दे गुंजाईश नी  

रेहँदी ज़िंदगी तुं 

होर कोई फ़रमाइश नी 

मुक्कमलपन बणा देंदा 

रजीया होइया ते बेखबर  

मुक्कमल थीवण दी चाह देंदी 

क़ोशिश  कुं निख़ार 

 मेंकु थोड़े जहे 

अधूरेपण नाल ही जीवण दे 

बूँद बूँद ज़िन्दगी पीवण दे 

लगातार कोशिशां -भरी 

ज़िंदगी जीवण दे /

रजनी छाबड़ा