Wednesday, January 29, 2025

बोतलबंद पाणी

 बोतलबंद पाणी 

*************

साफ़- सुथरे, ठन्डे पाणी वाले 

भरे -पुरे थींदे दरिया 

ओ पाणी दी मिठास 

असां कदे भुल  नहीं सकदे 


मुसाफ़रां वास्ते 

पियाऊ लगाएं वेंदे 

होण नयि मिलदा 

पियार रचिया 'गुड़ धानी '

ते बेमोल पाणी 


बदले महौल 

आ गया हे 

बोतलबंद पाणी 

नवे दौर दी 

इहो कहाणी /


रजनी छाबड़ा 




साडी रुक्सती तुं बाद 

***************


 इवेन वी किया जीवणा कि 

ज़िंदा रेहवणा मज़बूरी लगे 


क्यूँ न कर वंजिये 

कुझ इहो जया कि 

साडी रुक्सती तुं बाद 

एह दुनिया साढे बिना 

अधूरी लगे /



रजनी छाबड़ा 

Tuesday, January 28, 2025

असां ख़ुद नहीं जाणदे

 

 असां ख़ुद नहीं जाणदे 

*****************

असां ख़ुद नहीं जाणदे 

असां ज़िंदगी तुं किया चाह्न्दे हां 

कुझ कर गुजरण दी चाहत मन वेच समेटे 

अधूरी चाहतां नाल जिये वेंदे  हां 



उभरदी हे जद मन वेच 

लक़ीर तुं हट के, कुझ कर गुजरन दी चाहत 

संस्कारां दी लोरी सुणा के 

ऊस चाहत कुं सुलाए वेंदे हां 


सुनेहरी धुप नाल भरिया असमान सामने हे 

मन दे बंद हनेरे कमरे वेच सिमटे वेंदे हां 


चाह्न्दे हाँ ज़िंदगी वेच समन्दर वरगा फ़ैलाव 

हक़ीक़त वेच खू दे ड्डू वरगा जिये वेंदे हां  


चाह्न्दे हां ज़िंदगी वेच दरिया वरगी रवानगी

होर हंजु अखां वेच ज़ज़्ब कीते वेंदे हां 


चाह्न्दे हां फ़तेह करणा ज़िंदगी दी दौड़  

होर बैसाखियाँ दे सहारे चले वेंदे हां 


कुझ कर गुजरण दी हसरत 

कुझ न कर सकण  दी क़सक 

अजीब क़शमक़श वेच 

ज़िन्दगी जिए वेंदे हां 


असां ख़ुद नहीं जाणदे 

असां ज़िंदगी तुं किया चाह्न्दे हां 


 असां ज़िंदगी तुं किया चाह्न्दे हाँ 

कुझ कर गुजरण दी चाहत मन वेच समेटे 

अधूरी चाहतां नाल जिये वेंदे  हां 



उभरदी हे जद मन वेच 

लक़ीर तुं हट के, कुझ कर गुजरन दी चाहत 

संस्कारां दी लोरी सुणा के 

ऊस चाहत कुं सुलाए वेंदे हां 


सुनेहरी धुप नाल भरिया असमान सामने हे 

मन दे बंद हनेरे कमरे वेच सिमटे वेंदे हां 


चाह्न्दे हाँ ज़िंदगी वेच समन्दर वरगा फ़ैलाव 

हक़ीक़त वेच खू दे ड्डू वरगा जिये वेंदे हां  


चाह्न्दे हां ज़िंदगी वेच दरिया वरगी रवानगी

होर हंजु अखां वेच ज़ज़्ब कीते वेंदे हां 


चाह्न्दे हां फ़तेह करणा ज़िंदगी दी दौड़  

होर बैसाखियाँ दे सहारे चले वेंदे हां 


 

जड़ां नाल रिश्ता



जड़ां नाल रिश्ता 

************

बस्ती वेच रेह के वी 

महसूस थींदा हे वीराणा 

मन वेच हुण तक हे 

पेन्ड दी यादां दा आशियाना 


सनसन वेहंदी 

ठंडी हवा 

बगीचियाँ वेच 

कोयल दी  कूक 

दरिया दा 

साफ़  सुथरा , ठंडा  पाणी 

वगदा गुनगुणादे 

याद कर के 

दिल अमुझदा 


चुल्हे दी 

मधरी अग ते 

रेझा दिती दाल 

अंगारेया ते सिकि 

फुली फुली रोटियां 

सवांजणा ते कचनार 

डोली दी रोटी 

बेमिसाल 

ईना दी ख़ुश्बू ही 

भड़का देंदी भुख 


शहरी ज़िंदगी दी 

उलझनां वेच उल्झिया 

सारे दिन दी थकान तुं पस्त 

दो निवाले गले विच 

उतारण तुं  पैले 

कयीं वार ज़रूरत पैंदी हे 

'ऐपिटाईज़र ' दी 


नियाणे रोटी निगलदे 

टी. वी. वेच नज़रां धस्साए

उंहांकू होण परियां दे मुल्क  दियां 

कहाणियां कौण सुणावे 


ए. सी.  ते कूलर दी हवा  दा 

नयि कोई मुक़ाबला 

कुदरती हवा दे नाल 

खुली छत ते समणा  मुमकिन नयि 

नहीं वेख सकदे  होण 

तारियाँ दी अख- मिचौली 

चंदरमा दी रवानी 


वधिया होटल वेच 

आर्डर देने वक़त 

तुसां हजे  वी  मँगवादे हो 

धुएंदार 'सिज़्ज़्लर '

तंदूरी रोटी 

मखणी दाल 

मकई दी रोटी 

सरसों दा  साग 

देसी मखण ते मठ्ठा 

धुएं वाला रायता 

याद है हजे वी तुहानकु 

इंहा  दा ज़ायका 


रोज़ी रोटी दी जुग़ाड़ वेच 

किथे वी बसर करणा पवे 

नहि टूट सकदा 

जड़ां नाल रिश्ता 









Monday, January 27, 2025

MY PUBLISHED BOOKS BY INB


 


 

भटके मुसाफ़िर

 भटके मुसाफ़िर 

**************

हेक वक़्त 

एसा वी हाई 

भटके मुसाफ़िर 

रस्ता पुछ घिन्दे 

रस्ता चलदे 

अनजान लोगोँ तुं 

ते ओ वी ख़ुशी-ख़ुशी 

आपणा वक़्त देंदे 

रस्ता सुझावण वास्ते 


अज कल कोई किसे दा 

रहनुमां नयि बणदा 

न ही कोई पुछदा 

न ही कोई दसदा 

सब दा  होण 

अपणे आप नाल ही रिश्ता 


किसे  वी अनजान रस्ते ते 

अनजान शहर वेच भटक जावे कोई 

ग़ुम थीवण दा  कोई डर नयि 

'गूगल मैप'  सब दा  रखवाला 

भटकिया कुं रस्ता सुझावण वाला/



रजनी छाबड़ा