needh ko

 tinka tinka jodh

Sajati hai chiddhia 

Kuch kapas bhee bator lati hai

Needh mein garmaht lane in ke liye 

Andon ko sene ke baad

Dayitv mukt

nahin ho jatee chidhia

apne dularon ke liye 

chugaa batortee 

unkee chonch mein daaltee

matritv ka sukh

patee hain chidhia

needh ke bahar kee duniya se 

unka paricay krwatee

nanhe pankhon se 

khule asmaan mein 

udhaan lena sikhatee

jeevan chakar yoon hee 

chalta jata

bitate waqt ke saath saath

chidhiyaa ka bl ghatata jata 

bhor ugate hee

nanhe pakhee bhar lete udhaan

pankh samate ab rukee rahtee hai

soone needh mein unkee Maa

Sanjh dhale, nanhe pakhee

lout aate apne needh mein

samate apnee nanhee chonch mein

Maa ke liye chugaa - dana .

yeh rishta hai panpata

sawendnaon kee duniya mein.

pyar paga needh

khushiyon ka aashiyana.